weakly positive

星期一在大家的提醒下，我就返診所驗孕，診所驗出的結果是weakly positive。我有問過是否chemical pregnancy，但姑娘說「唔知o架！」，姑娘幫我問了醫生（我見不到醫生），指示我要繼續打針、塞藥和吃波波丸，下星期返去照。

聽說針藥下會令綠d變深色，今早一起床，就去驗綠d，結果是．．．

老公堅持要我今日打電話返診所，希望可以停藥，他不想我肚裡面本來應該要放棄的東西繼續生長。

放榜日

經過幾次放胎都失敗，還以為自己身經百戰，可以輕鬆面對今次的結果，但昨晚睡前忍不住大哭一場。

雖然明知道不可能，今早還是很早醒來驗CB，我預估到結果應該是+ve，只是，綠d連續幾日都是一個淺色到幾乎影不到的水印，而且，今天已經是放胎後的第16天，而我放的是Day 5雪b，懷孕指數該不會只得1~2星期吧？

這幾天心中早已有個答案 － Chemical Pregnancy。

打定輸數

呢幾日keep住偷驗，綠d一路都係得個控，經驗話我知，唔會有奇蹟，所以我已經打定輸數，準備下一次放胎，第６次喇！

但係，下一個cycle o既排卵期，撞正我去旅行；再下一個cycle排卵期，Dr Tay就開始放大假。我之前問咗Dr，佢話可以打針谷排卵，咁即係話，我有機會可以o係去旅行前放多次雪胎。

問題係，我好唔好o係旅行前放胎呢？因為好有機會係出發前一兩日放，我仲要搭長途機，又要帶埋針藥去旅行，去到外地想薑水浸腳又唔容易，又唔可以燉花膠食，好似好唔方便。

我知大家可能會叫我試下去旅行時同老公試下自然，不過都難過中六合彩。如果下一個cycle唔放胎，就等旅行返o黎果個cycle放，應該又係要谷排卵先放到。

我仲有兩次放胎機會，好想趁Dr大假前拿拿林放埋佢算，如果７次放胎都唔成功，我都無話可說了。

偷驗

放咗胎已個多星期，我忍不住在放胎後的第８日開始偷驗，綠d出現了第二條線，我心中暗暗覺得開心。

第９日：綠d的第二條線比前一日深色，紅d亦出現了兩條差唔多深色o既線，我心入面都定咗落嚟。

第１０日：今朝用綠d check，竟然好耐好耐先出現第二條線，仲要淺色到得個控！紅d淺色過之前一日，心情跌落谷底，有d想喊，無哂心機，唔想再塞藥。

點解會咁o既呢？

峰迴路轉

我放咗胎喇！話說Day 19我仲未check到排卵，果日見Dr Tay，佢認為應該放棄呢個cycle，點知夜晚我發覺自己d分泌似開始排卵，仲同老公講：「你信唔信丫？聽日就排卵o架喇！」

第二日瞓醒，果然被我驗到，老公仲話我講嘢好準（其實佢都唔知女人對自己身體反應有幾了解），嘻～

於是，我超唔好意思去call Dr Tay手機，因為當日診所放假，Dr Tay即刻幫我book醫院，仲叫我第二日返去照。第二日返到診所，姑娘問我：「你唔係唔放胎住o架咩？點解仲繼續check排卵o既？你唔甘心呀？」

就係咁，我早兩日就接咗兩個寶寶返屋企喇！

暫停

今個cycle的Project B，真的要暫停了，因為我到今天(Day 19)還未驗到排卵，Dr Tay 說不想在這個irregular的cycle浪費個胎，真的好失望，不過也沒有辦法，唯有聽天由命。

又一個不尋常的cycle

正當我已經收拾心情，一鼓作氣準備就緒放胎時，今個cycle自己的身體卻不爭氣，明明每個cycle都準時Day 18排卵，今天Day 17竟然還未有排卵跡象，內膜亦未夠厚，Dr Tay已經幫我cancel了下星期的醫院book期了。

過兩天我還要返診所看排卵情況，如果仍然不正常，Dr Tay說會放棄今個cycle放胎，免得浪費胚胎。不是第一次了，之前有個放胎cycle又因為遲排卵而被迫推遲。唉！

下個月的放胎時間我會在外地旅行，再一個月的放胎時間Dr Tay放個半月大假（7月1日~8月11日）。天啊！你在愚弄我嗎？Dr Tung還說我要把握6月前放胎的機會，本來我打算今個cycle即使不bingo，6月前還可以放多一次，現在呢？

Project B計劃告吹，你教我如何放鬆下來呢？