各位ＢＬＯＧ友仔，我的ＢＢ已在８月初出世了，ＢＢ比預產期遲了出世，所以要入院催生。
坐月期間，哭了好幾次，兩公婆的生活完全跟以前不一樣，一向依賴的我，起初很不習慣要照顧ＢＢ，加上休息不足和捱夜，我覺得很不適應。被迫困在家中，我突然變得懷念大肚的時光（入院前一天我哭了很久，不捨得只有做媽媽才感受到的胎動及二為一體的感覺。）。可是，每一天醒來看到ＢＢ可愛的樣子，我便下定決心要將她放在我人生的目標上，要向前看。
大家最近怎樣？好希望大家可以繼續寫ＢＬＯＧ，互相知道近況，也可以互相支持和鼓勵。
恭喜你啊﹗當媽媽是一種福氣，亦是一種超級偉大的任務。
回覆刪除媽媽真是很偉大，總為孩子吃苦，捱更抵夜，有些人會跟著BB一起喊，太辛苦了吧﹗媽媽都竭盡全力去越過這些艱難的日子，正因媽媽你說的，跟孩子二為一體。媽媽擁有的幸福，沒有人可以搶走或代替。
加大油﹗支持你﹗保持心境開朗，養好身子。祝福你和BB健康快樂，生活愉快﹗
多謝你! 畢竟我同我老公二人世界咗5年幾, 想要bb o既時候又成日自我催眠二人世界有幾自由... 但當bb真係來臨時, 特別係要照顧bb, 實在措手不及, 心理上未調節到。
刪除有日返健康院, 被醫生問咗句"點解bb會輕咗?", 我竟然o係大庭廣眾度喊咗出o黎, 覺得好自責。加上初初唔識餵人奶, bb食唔飽成日喊, 但自己已經被咬到損哂, 我不斷請教姑娘同朋友, 好大好大壓力。
欣賞你對bb的愛，真是聽得見你很愛bb呢，是好媽媽啊﹗
刪除願意多聽意見，真是很欣賞你，你做得好好﹗慢慢消化掌握呢，一定會越來越純熟。不要慌張，很多人幫手，又可以上網找資料﹗
放鬆放鬆, bb會同你一齊努力的﹗他長大點，可以同你一齊去街街。
恭喜呀，加油呀，我都有喊過，更在阿B 4個月時我有小小產後抑鬱，因為我同老結婚8年先有，仲要5年間ivf 加iui 先有，所以完來我會不自覺緊張阿B , 我見精神科姑娘佢地開解我，同埋同D 有BB 姊妹傾計，佢地都話因為我生活轉變太大，2個人生活冇咩擔心，而家多咗BB 就就會放哂阿B 到，攪到自己緊張，因為阿囡唔飲奶，所以我好緊張怕佢餓，但後來好多朋友姑娘都講，bb 肚餓就會食，食到幾多就幾多，密D 餵佢，咁我開始放鬆自己，抑鬱就慢慢好返，而家有時都會緊張想喊，但我叫自己放鬆，最緊再BB 健康，所以一齊加油呀，做媽媽真係唔易，有咩野大家傾下會開心好多㗎。餵人奶最緊要休息同心情好，如果真係餵唔到奶粉都可以，我阿囡都唔肯埋身食，我只泵咗2個半月人奶加奶粉比佢咋，而家佢都係食奶粉，身體都ok, 所以如果真係好辛苦補奶粉先，慢慢來人奶就ok.
回覆刪除你所講o既完完全全係我而家o既情況, 我結婚5年先有bb, ivf 都做咗3~4年喇, 呢次係第10次放胎。之前失敗o既時候, 我經常催眠自己話無bb的話就無負擔, 鍾意幾時去旅行就隨時出發... 但生咗出o黎之後, 覺得佢改變咗我o既生活, 一時間難以適應。我好難先有呢個bb, 所以都好緊張。初頭聽健康院姑娘話2個鐘埋身餵一次, 頭一兩個星期好攰, 阿b食唔飽又輕咗, 佢每次又啜好耐, 我根本無時間瞓床, 同埋自己無請陪月/工人, 覺得好大壓力好辛苦, 又無得出街, 感覺一個人困o係屋企成個月咁, 所以成日喊, 令我懷疑自己有產後抑鬱。
刪除呢個星期好返d, 同d有餵人奶o既朋友傾多咗, 原來大部份人都會補奶, 開頭仲以為我咁失敗, 餵唔足人奶添!
係呢, 你係咪FTM? 我都諗緊好唔好一放完產假就返去辭工, 雖然返工輕鬆過湊b, 但自己一手一腳湊佢感覺最安心。
恭喜呀，加油呀，我都有喊過，更在阿B 4個月時我有小小產後抑鬱，因為我同老結婚8年先有，仲要5年間ivf 加iui 先有，所以完來我會不自覺緊張阿B , 我見精神科姑娘佢地開解我，同埋同D 有BB 姊妹傾計，佢地都話因為我生活轉變太大，2個人生活冇咩擔心，而家多咗BB 就就會放哂阿B 到，攪到自己緊張，因為阿囡唔飲奶，所以我好緊張怕佢餓，但後來好多朋友姑娘都講，bb 肚餓就會食，食到幾多就幾多，密D 餵佢，咁我開始放鬆自己，抑鬱就慢慢好返，而家有時都會緊張想喊，但我叫自己放鬆，最緊再BB 健康，所以一齊加油呀，做媽媽真係唔易，有咩野大家傾下會開心好多㗎。餵人奶最緊要休息同心情好，如果真係餵唔到奶粉都可以，我阿囡都唔肯埋身食，我只泵咗2個半月人奶加奶粉比佢咋，而家佢都係食奶粉，身體都ok, 所以如果真係好辛苦補奶粉先，慢慢來人奶就ok.
回覆刪除我有返工，我就請咗姐姐幫手湊，我而家已冇餵人奶啦，因為真係冇奶，阿囡而家7個半月已開始食粥。
回覆刪除