這盼望很悠長...

多謝blog友仔o既關心，最近我o既心情好返好多喇，我仲好放肆咁食咗好多雪糕、啫喱、布甸同乳酪，食果陣好開心，但食完又有少少內疚，心情好矛盾！

近日我又睇返中醫，今次睇大圍潘醫師，相信好多想生b o既blog友仔都睇過，睇見佢診所咁多bb相，我都好想有一日輪到我。佢d藥一早pack好哂幾號幾號，好似好公式化咁，我覺得d藥應該要因應唔同人o既體質開唔同o既藥方，anyway，有睇中醫好過無睇，都叫盡過下力啦。

另外，我有開始跑下步，其實都唔太鍾意跑步呢樣運動，我反而鍾意跳下舞，郁下手郁下腳無咁沉悶，之前成日想報瑜伽或者funky dance o既class，但又擔心一旦咁好彩有咗／等緊bingo的話，就徙學費了，所以遲遲都無去做，而家跑步都叫有做過運動，又順便減下肥，都係果句，都叫盡過力啦。

btw，唔知大家有無我呢個煩惱呢？我發覺自己呢半年，一到排卵期就痕，以前唔會咁o架，係咪我身體差咗呢？呢樣嘢好煩，排卵期梗係想試下自然啦，但又怕做完傳咗畀老公．．．

話咁快就8月咯，Dr Tay 好快就放完假，好期待呀！

這盼望很悠長，撐到尾～～

結束

放榜日就是m到日，連CB驗孕棒都慳返。

唉！6次放胎都唔成功，乜嘢仲後生、d胎好靚、你間屋無問題．．．統統都係廢話，我都唔知咩原因會咁失敗，我唔煙唔酒唔咖啡唔凍飲，連工都辭埋零壓力，最後都唔得。

起初仲以為14粒蛋夠我生3件啦，點知今日o既我最後得返2粒Day 3 o既蛋咋，如果我放7次胎都唔成功，我係咪應該認命呢？

打定輸數

放胎後第11日和第12日，綠d依然白雪雪，連個控都沒有，心裡已打定輸數，真的不想繼續打針食藥呀！

心裡不其然哼起這兩首歌：

＜＜富士山下＞＞
誰都只得那雙手　靠擁抱亦難任你擁有　要擁有必先懂失去怎接受

曾沿著雪路浪遊　為何為好事淚流　誰能憑愛意要富士山私有

何不把悲哀感覺　假設是來自你虛構　試管裡找不到它染污眼眸

前塵硬化像石頭　隨緣地拋下便逃走
我絕不罕有　往街裡繞過一周　我便化烏有

＜＜歲月如歌＞＞
天氣不似如期 但要走 總要飛

道別不可再等你 不管有沒有機

給我體貼入微 但你手 如明日便要遠離

願你可以 留下共我曾愉快的憶記

當世事再沒完美 可遠在歲月如歌中找你



再見了 背向你 回頭多少傷悲

也許不必再講 所有道理

何時放鬆我自己 才能花天酒地



抱著你 我說過 如何一起高飛

這天只想帶走 還是你

如重溫往日郵寄 但會否疲倦了嬉戲