說中了

m小姐來了，果然是chemical pregnancy，不過m小姐自然來也好，不用再估估下，心情反而輕鬆了，之前真的為了此事心情很煩躁。

我結婚三年多，未有ｂ真的很不正常嗎？

阿媽轉告我，話說某親戚問起阿媽我有ｂｂ未，阿媽答未，那親戚竟說了句：「現在科學昌明！」為什為別人不會想是我自己不想生育，而總是聯想到我生不到呢？

說真的，我很介意，即使是轉述的對話，但我仍覺心痛。可能真的被人說中了，說中了內心深處那份只有羨慕別人的自卑感；說中了那種苦等而迷茫的無助；說中了曾經得而復失的無奈；說中了我心中一直最想得到但還未得到，什至遙不可及的冀盼。

weakly positive

星期一在大家的提醒下，我就返診所驗孕，診所驗出的結果是weakly positive。我有問過是否chemical pregnancy，但姑娘說「唔知o架！」，姑娘幫我問了醫生（我見不到醫生），指示我要繼續打針、塞藥和吃波波丸，下星期返去照。

聽說針藥下會令綠d變深色，今早一起床，就去驗綠d，結果是．．．

老公堅持要我今日打電話返診所，希望可以停藥，他不想我肚裡面本來應該要放棄的東西繼續生長。

放榜日

經過幾次放胎都失敗，還以為自己身經百戰，可以輕鬆面對今次的結果，但昨晚睡前忍不住大哭一場。

雖然明知道不可能，今早還是很早醒來驗CB，我預估到結果應該是+ve，只是，綠d連續幾日都是一個淺色到幾乎影不到的水印，而且，今天已經是放胎後的第16天，而我放的是Day 5雪b，懷孕指數該不會只得1~2星期吧？

這幾天心中早已有個答案 － Chemical Pregnancy。

打定輸數

呢幾日keep住偷驗，綠d一路都係得個控，經驗話我知，唔會有奇蹟，所以我已經打定輸數，準備下一次放胎，第６次喇！

但係，下一個cycle o既排卵期，撞正我去旅行；再下一個cycle排卵期，Dr Tay就開始放大假。我之前問咗Dr，佢話可以打針谷排卵，咁即係話，我有機會可以o係去旅行前放多次雪胎。

問題係，我好唔好o係旅行前放胎呢？因為好有機會係出發前一兩日放，我仲要搭長途機，又要帶埋針藥去旅行，去到外地想薑水浸腳又唔容易，又唔可以燉花膠食，好似好唔方便。

我知大家可能會叫我試下去旅行時同老公試下自然，不過都難過中六合彩。如果下一個cycle唔放胎，就等旅行返o黎果個cycle放，應該又係要谷排卵先放到。

我仲有兩次放胎機會，好想趁Dr大假前拿拿林放埋佢算，如果７次放胎都唔成功，我都無話可說了。

偷驗

放咗胎已個多星期，我忍不住在放胎後的第８日開始偷驗，綠d出現了第二條線，我心中暗暗覺得開心。

第９日：綠d的第二條線比前一日深色，紅d亦出現了兩條差唔多深色o既線，我心入面都定咗落嚟。

第１０日：今朝用綠d check，竟然好耐好耐先出現第二條線，仲要淺色到得個控！紅d淺色過之前一日，心情跌落谷底，有d想喊，無哂心機，唔想再塞藥。

點解會咁o既呢？