經過三次放胎失敗後，Dr Tay認為他要改變策略了，這次，他建議我除aspirin外，還要吃類固醇及打薄血針，雙管齊下。
他說，類固醇是口服藥，而薄血針要不能用針槍，不過可以打在pat pat，他問我做到嗎。然後，他補說，薄血針要每天打，如果成功，吃藥和打針要維持三個月，皮膚一定會瘀得很緊要！我嚇了一跳，很難想像三個月要像長期病人一樣，打針、吃藥塞藥．．．
老公問他side effect，Dr Tay說類固醇有機會令到BB有兔唇，但對他來說，從未發生過。我和老公沒立刻決定，要回來考慮清楚。
我不怕打針，只怕類固醇的side effect，害怕用藥後，會令到我有精神壓力，每天擔心胎裡的bb容貌是否正常，而且又擔心類固醇會令人面部浮腫，我還擔心藥物會攪亂身體。老公則擔心每天打針，連續打90天是精神上的折磨，要是兩邊pat pat打針打到又瘀又痛，連坐下來都痛時，我的心情一定不好受，這絕對會影響肚裡的BB。
好煩，懷孕之路前路茫茫．．．
剛從其他JM的blog中發現了你!! 大家都要加油!!
回覆刪除真的要行這步嗎? 還是好好先養好身體呢?
[版主回覆11/24/2012 00:48:52]我都唔想行到呢一步, 但3次都唔成功, 醫生自然會加藥, 改變策略... 我近兩個月有睇下中醫, 都唔知有無成效!
[Jandy Ng回覆11/23/2012 22:18:33]有keep住睇中醫嗎?
打薄血針和食類固醇有什麼幫助呀? 始終擔心side effect, 心理壓力又大，最好問多一個醫生的意見再作決定。
回覆刪除[版主回覆11/25/2012 17:38:58]醫生懷疑我身體入面有可能有抗體attack個胎, 所以著唔到床...
我8月在仁安做IUI失敗了，9月休息，10月直接做IVF放胎都失敗了，心情都好down. 這三個月係我人生中最漫長的歲月，每天心情好忐忑，晚上又睡不好，常常半夜扎醒，身心都好疲累，所以好明白你的心情，不過都要叫自己儘量放鬆心情，這些事急不來的，我相信天父會為我哋在合適時間預備產業。大家努力養好身體再試啦。
回覆刪除吃類固醇對身體好傷，又有side effect，真係要諗清楚。祝福你未來一切順利，支持你呀!😊💪💪
[版主回覆11/26/2012 17:17:01]我最近都排定仁安董醫生, 出年4月有得睇!
你有無諗住幾時再放胎呀? 我都祝福你, 希望快d聽到你好消息!
如果用類固醇係會有這個風險, 我自己就吾會採用, 萬一BB真是兔唇, 會更加難受.
回覆刪除我見其他BLOG友都係打薄血針.
你幾時會開始放胎呀?
[版主回覆11/26/2012 16:04:32]我見都有blog友食類固醇+薄血針, 有得有唔得...
我呢個cycle放胎喇~~
類固醇...好似好多風險,未正式放胎,加多一種心理壓力
回覆刪除[L.O.F回覆11/27/2012 12:18:10]可吾可日以食少一種
[fishbb回覆11/26/2012 17:03:16]如果你未食都咁怕，不如食少一種藥啦。
[版主回覆11/26/2012 16:05:13]最怕食完之後, 一日bb未出世, 一日都要擔驚受怕, 造成壓力。
多一點禱告, 將我們交給神, 是我們的最大依靠. 千萬不要放棄, 要堅持啊!
回覆刪除可以先驗驗是否真的有抗體嗎
[版主回覆12/10/2012 14:56:14]我無好detail問dr, 不過應該唔係抗精子, 因為胚胎都受咗精, 所以應該唔關抗精子事喇....
[Snow回覆12/08/2012 23:36:48]唔好意思搭句口, 唔知你地講緊邊種抗體? 我曾經驗過"抗精子抗體", 同"抗子宮內膜抗體", 係中醫寫紙我去化驗所驗, 都唔算好貴, 但起碼得個知字
[版主回覆11/28/2012 22:39:22]驗抗體好貴o架, 同埋好似話身體好多種抗體, 驗唔哂...
如果風險只限兔唇, 咁我覺得試得過. 兔唇好小事, 裂顎就麻煩啲...
回覆刪除當然, 都要考慮你係咪頂得順打針打足三個月...
[Tigger回覆11/29/2012 12:40:19]兔唇凈係個咀仔有事, 通常三至四個月大做手術就搞得掂. 好多人都有兔唇, 但大個咗唔覺. 裂顎麻煩好多, 但都係做手術搞得掂. 但當然, 裂顎可以嚴重多. 但Dr Tay講得佢做咁多年都未中過, 我又覺得你唔使太擔心. 正如有咗都可能係唐氏或其他遺傳病, 冇得驚咁多的. 驚佢兔唇裂顎不如驚唐氏好過.
[版主回覆11/28/2012 22:37:49]你咁忙湊b都上o黎呢度, 好多謝你!
乜兔唇唔同顎裂o架咩?
加油！支持你！
回覆刪除[版主回覆12/19/2012 11:42:24]thank you!
類固醇真係有D 怕, 你有冇問醫生如果吾食類固醇, 只係食aspirin同打薄血針，甘可以嗎? 有時係擔心就吾好建議做, 因為一路食一路驚, 會令你壓力加大. 仲辛苦, 或者多睇一個醫生問下意見. TAKE CARE!
回覆刪除[版主回覆01/04/2013 09:49:41]我第4次放胎最終係無食類固醇, 亦都無打薄血公, 只係食aspirin。唯一唔同係之前3次都係放day 3 胚胎, 今次放day 5...
[tungtungdream回覆12/21/2012 14:13:48]個醫生有D騙人, 老實講我地遇到問題時好似失左方向甘, 人地話好, 自己就會去做. 唉! 只想生一個BB都甘難.
甘你最后有決定未? 祝福你順利.
[版主回覆12/19/2012 11:45:37]同你想法一樣, 最怕食咗藥會造成心理壓力!
我99見我咁耐都未有所出, 又介紹咗另一個婦科醫生畀我, 講到呢個醫生好勁咁, 我本來都唔想去, 但老公又話問多個醫生意見... 點知去到, 個醫生只係同我哋傾計, 佢直頭話佢唔熟悉ivf, 叫我地勤力d造人喎, 仲問我地有無信教, 佢話我哋想要乜, 神都會應承... 最後連檢查都無做, 盛惠8舊水!!
A big hug to you.... 我12月係Dr. Tay到開始左人生第二次IVF針藥, all the way 都okay, 因為Dr. Tay真係比左好多正能量同埋信心我, 結果有11粒受精卵,放鮮胎前1天開始食aspirin,類固醇及打薄血針,但第一晚老公同我打薄血針真係頂唔順,好痛....,next day 放胎時問醫生可唔可以唔打,佢話OK,因為放胎時發現子宮有積水(可能打完hormone針, blocked tube吸唔哂),結果failed, 醫生話休息1個cycle再放,相信下次一定走唔甩要打薄血針....不過你真係好brave
回覆刪除[版主回覆01/04/2013 11:07:45]呢期天氣凍, 其實你可以用毛氈包住個肚訓o架喇, 唔使等到放雪胎時先。
我結果無打, 我想像唔到日日要自己打針(唔可以用針槍), 如果好彩仲要連續打3個月, 身體同精神都好折磨, 所以, 你比我更叻, 有勇氣去面對打針o既困難。
[JOEY回覆01/04/2013 10:39:43]Thanks for your reply, 之前第一次係伍菁華醫生做,抽14粒卵,但只有5粒用得(1次frest+1次frozen), 之後keep住易睇中醫&針灸, 等我下次放胎都試試用毛氈wrap住個肚先不過為生B我一定要堅持同埋將一齊交托神!
[版主回覆01/04/2013 09:46:57]你第一次IVF o係邊度做呀? 放咗幾多次胎? 有無著過床? 希望你下次放胎順利兼成功!! 我之前睇中醫, 佢話我唔著床係因為宮寒, 建議我訓覺時用毛巾/被包住個肚, 令到個肚溫暖d... 我由放胎前已經keep住用毛氈包住個肚訓, 我唔知有無幫助呀, 但你都可以試下, 一試無妨!
其實我一d都唔叻呀, 呢度仲有好多好高EQ o既blog友, 有時都係靠睇下佢地o既blog, 先得到多d正能量。