Yahoo Blog 停用

OMG! 今日見到Yahoo Blog話今年10月30日進入read-only 模式，年底即將停用，咁我仲點同你哋保持聯絡呀？

我唔開針唔開針唔開針．．．

照單全收

收到blog友阿婷寄來的小東西，真的很感動，妳的心意和孕氣我已一一全單全收，謝謝妳啊！

祝妳的小寶寶健康快樂！也祝你們一家人生活幸福美滿！！

搵工

休息咗幾個月專心做IVF，點知都係唔成功，所以我都係決定搵返工，無理由坐o係屋企等運到。

最近，終於有份工有聲氣，不過地點好遠，而且又返５日半，對於習慣返５日工o既我，真係好攞命。我都唔知做唔做好，但人工高過上一份工好多，仲唔使我點返大陸，不過，我又就快開始放胎，我都唔知點可以返幾日工又請下假去睇醫生同放胎．．．

如果再唔返工，我覺得之後仲難搵，而家已經有d工好好奇我點解可以放成半年假咁歎，我好煩呀！

領養

昨晚夢見自己去領養小朋友，是一個好可愛的小女孩，但夢入面，似乎我還未想清楚，仍然有很多顧慮，心情很矛盾。

的確是日有所思，夜有所夢。最近，我自己常常想，要是生不到ｂｂ，我會否考慮領養一個呢？但心裡最大的顧慮是血緣關係和別人的眼光。

暫時未想通，另一問題又浮現：兩公婆沒有仔女，ｎ年後一樣可以開心過日子嗎？