感謝各位blog友的鼓勵，我剛剛去完旅行充電回來，心情好多了，去旅行真的是治療心靈的有效良方，至少那幾天我完全把生ｂ的煩惱暫時拋諸腦後，不過，回到家又自自然然為了生ｂ的事而感到迷茫。
有時，我好愛我老公，老公為了想我有多點休息，極力勸我辭職，留在家中做他的煮飯婆，我覺得他一個人撐起一頭家，好有責任心，好偉大。
但有時候，我又會好嬲他，嬲他明知自己的丁丁不好，卻怎也不肯改掉懷改慣，例如：抽煙和夜瞓。最近尤甚，他為了電話的game，可以食飯打機，出街行路都打機，夜晚什至打到半夜三、四點！我為了此事勸過他，也跟他爭吵過，但總是戒掉不了夜瞓和打機的壞習慣，當然，煙癮更難改。
問題是，我為了生ｂ，一年出入手術室好幾次，雖然不是什麼大手術，但抽卵和放胎過程總會令我不安，每次要脫下褲子光脫脫被人「探視」，即使有了４次放胎經驗，我依然覺得極度尷尬；打針、食藥受皮肉之苦，身形變得又腫又脹；還有，針藥的副作用，若干年後可能要受。我為了生ｂ的事而努力，什至犧牲了自己的健康，但是，他怎麼不付出少少呢？他除了付出金錢外，其他方面他都沒有努力過，好像戒煙、戒夜瞓等，中醫都說男人要解決丁丁的問題其實不難，只要戒煙戒酒，令到肝腎健康就可以，身體好，丁丁自然好，如此簡單道理，他也不嘗試踏出第一步，難道將我送入醫院放個胎就一定可以把他變成老豆嗎？
所以女人真係好為大呀好`多女人就係去過度睇中醫
回覆刪除[版主回覆03/11/2013 14:58:47]可唔可以畀你中醫資料我呀? thx!
男人係大細路，吾夠細心。所以母愛係最偉大。
回覆刪除好明白，我老公都係咁。。。不如你同佢傾下，以後交丁前既14日，佢幫幫手戒煙同早瞓，只係戒兩星期，之後佢交完貨（或dodo完），就可以食返。其實如果佢d丁丁唔健康，放咗入去之後都未必生長到，呢個好太機會係放胎唔成功同小產既原因。兩星期戒煙同早瞓，應該容易d接受，同埋食d supplement護肝，我老公有食“片仔廣”，國貨公司有得賣。
回覆刪除[版主回覆03/12/2013 18:22:08]我仲有雪胎, 我估佢覺得自己o既精子暫時未有用武之地, 所以連戒煙都懶, 而且佢成日話, 好多男人食煙都生到bb...
佢都有食蠔皇素同茄紅素, 不過我唔知有無幫助。
男人就係咁，我都成日叫我老公做下運動，早d訓，佢都唔肯，哦完就算...唉...激死
回覆刪除男人係咁， 有時我都覺得又唔係我問題反而要我打針食藥， 搞到啲賀爾蒙亂晒。 但無辦法啦， 嫁得比佢， 邊個有問題都好， 都要好好地去解決。 我反而想返工因為無咁多時間去亂諗野. add oil la
回覆刪除男心係話唔聽, 有時真係好激氣, 不過佢其實都知你受苦的, 大家約法三章啦, 好好傾下, 一定要佢改變下, 或者捉佢去睇中醫, 等醫師話下佢
回覆刪除[版主回覆03/23/2013 11:03:12]我都覺得自己話佢係唔會聽, 等其他人話佢好過!
ivf條路一定係做女人既辛苦啲....身體同精神上都係.
回覆刪除你仲有雪胎, 調理好身子, 再接再厲啦! 我地一齊加油!
[版主回覆03/30/2013 14:18:16]你終於都返來喇! 我放咗4次胎都未掂, 真難攪~
其實生B係2個人嘅事但係呢D事候嘅男人反而莫名奇妙咁唔配合、認為醫生可以攪惦。打機係佢哋逃避現實嘅做法。所以諗深一層亦係佢哋减壓既方法。我嗰個都係。唔太過份就體諒吓佢囉。
回覆刪除[版主回覆04/04/2013 21:14:14]原來咁多ivf老公係咁... 我而家唯有隻眼開隻眼閉。